Búginde bizde iri qara tobyndaǵy asyl tuqymdy maldyń úlesi tek qana 5,6 paıyzdy quraıdy
ildeniń 30-y. QazAqparat /Rýslan Ǵabbasov/ - Búginde maldyń 85 paıyzǵa jýyǵy jeke ıelikter men úı sharýashylyqtarynda shoǵyrlanǵan. Bul týraly búgin Astanada ótip jatqan 1 Halyqaralyq mal sharýashylyǵy forýmynda jýrnalıstermen suhbattasqan Aýyl sharýashylyǵy mınıstrliginiń jaýapty hatshysy Evgenıı Aman málim etti.
Jaýapty hatshynyń sózine qaraǵanda, búginde elimizde 6 mıllıonnan astam iri qara, 17,5 mıllıon qoı, 1,5 mıllıonǵa jýyq jylqy, 155 myń túıe, 33 mıllıon qus, sondaı-aq 1,3 mıllıon shoshqa bar. Bul kórsetkish 2000 jyldardyń basyndaǵy deńgeıge qaraǵanda, 1,5 esege artyq.
«Alaıda, qazirgi kezdegi mal sharýashylyǵynyń damý qarqyny men onyń ónimdiligi naqty múmkindikterge sáıkes kelmeıdi. Bul turǵyda birneshe sebepter bar», - dedi E.Aman.
Atap aıtqanda, búginde maldyń 85 paıyzy jeke ıelikter men úı sharýashylyqtarynda shoǵyrlanǵan. Bul óz kezeginde mal sharýashylyǵyn qazirgi zamanǵy tehnologııalar negizinde ósirýge tıisti múmkindikterge ıe bolmaı otyr. Osyǵan baılanysty ónimniń sapasy tómen deńgeıde baǵalanýda. Ekinshiden, mal sharýashylyq ónimderi turaqty kólemde aı saıyn qamtamasyz etilmeı otyr.
«Úshinshi sebebine toqtalatyn bolsaq, maldardyń genetıkalyq áleýeti tómen deńgeıde. Búginde bizde iri qara tobyndaǵy asyl tuqymdy maldyń úlesi tek qana 5,6 paıyzdy quraıdy. Bul kórsetkish damyǵan elderge qaraǵanda, on ese kem. Osyndaı jaǵdaı maldyń basqa túrleri boıynsha da qalyptasyp otyr», - dep atap ótti jaýapty hatshy.
