Búginde Astanany barsha el biledi
ORAL. Shildeniń 6-sy. QazAqparat /Eljan Eraly/ - Saryarqanyń tósinde, erkelep aqqan Esildiń jaǵasynan oryn tepken Astanany búginde barsha el biledi. Astana elimizdiń órleýiniń, tolassyz damýynyń basty kórsetkishi bolyp tabylady.
Shildeniń 6-sy - Astananyń týǵan kúni qazaq eli jyl saıyn asyǵa kútetin, kóterińki kóńil-kúımen merekeleıtin meıramǵa aınaldy. Bul týraly Qaratóbe aýdandyq máslıhatynyń depýtaty, Qarakól selolyq okrýgi mádenı-demalys ortalyǵynyń meńgerýshisi, «Astanaǵa 10 jyl» merekelik medaliniń ıegeri Erbolat Ramazanov málim etti, dep habarlaıdy QazAqparat tilshisi.
Onyń aıtýynsha, Astananyń abyroıyn asqaqtatý baǵytynda mádenıet salasynda kóptegen jumystar atqaryldy. Eldegi oń ózgeristerdi aýyl-aımaqtyń tynys-tirshiliginen de kórýge bolady. «Aqtaısaı mádenıet úıi 1976 jyly salynǵan. Paıdalanýǵa berilgenine 34 jyl bolǵan mádenı oshaǵymyz bıyl kúrdeli jóndelýde. Mádenıet úıi mekteppen tyǵyz baılanysta. Hor, án, bı úıirmeleri jumys jasaıdy. Bolashaǵynan zor úmit kúttiretin jas balǵyn ónerpazdarymyzdyń ónerge degen qyzyǵýshylyqtary kóńil qýantady. Olardy tárbıelep, óner jolynda tabystarǵa jetýine kómektesý - bizdiń boryshymyz. Túrli mádenı-buqaralyq sharalar da josparly túrde uıymdastyrylyp turady. Sóıtip Astanadaı qalasy bar elimizdiń odan ári alǵa basýy úshin biz de úles qosa beretin bolamyz», dedi ol.
