Búginde Aral teńiziniń 10 paıyzyna da jetpeıtin jurnaǵy ǵana qaldy - mınıstrlik

ASTANA. QazAqparat – Ekologııa jáne tabıǵı resýrstar mınıstrligi ashyq talqyǵa shyǵarǵan QR Sý kodeksi jobasynyń tujyrymdamasynda Aral teńiziniń búgingi jaǵdaıy týraly derekter keltirilgen, dep habarlaıdy QazAqparat tilshisi.

«Aral teńiziniń qurǵaýy - Ortalyq Azııa elderiniń aýmaǵynda bolǵan eń tanymal ekologııalyq apattardyń biri. Aral teńizine quıatyn Amýdarııa men Syrdarııa ózenderiniń sý resýrstaryn ysyrappen paıdalaný saldarynan 1960 jyldan bastap kól tartyla bastady. 1960 jyldan 2007 jylǵa deıingi kezeńde Aral teńiziniń mólsheri edáýir qysqardy jáne qazirgi ýaqytta onyń kólemi bastapqy teńiz deńgeıiniń 10%-ynan az mólsherin quraıdy. Aral teńizinde ómir súrgen omyrtqaly janýarlardyń 178 túriniń tek 38-i ǵana tiri qaldy», - delingen qujatta.

Sonymen birge, tujyrymdamada qazir Ózbekstannan keletin ózen aǵysynyń mıneraldaný deńgeıiniń joǵary ekeni de jazylǵan.

ıAǵnı, ol sýdyń sapasyna qoıylatyn 40 talaptyń tek jartysyna ǵana sáıkes keledi.