Búginde Almaty sýburqaqtarǵa toly, kógaldandyrylǵan, taza ózendi, gúldengen qalaǵa aınalýda - qala ákimi A.Esimov
MATY. 19 qyrkúıek. QazAqparat /Názıra Eleýhan/ - Búginde erekshe nazar Almaty qalasynyń ekologııalyq jaǵdaıyna aýdarylýda. Bul týraly qala ákimi Ahmetjan Esimov Qala kúnine arnalǵan festıval barysynda aıtty.
«Ákimshilik bul oraıda, qoǵamdyq kólikterdiń ekologııalyq taza janarmaılarmen júrýin qarastyrýda. Bul úshin arnaıy mýnıtsıpıaldy park quryldy. Ekologııalyq taza gazben júretin 200 avtobýs satyp alyndy. Kelesi jyly kóktemde 200 zamanaýı trolleıbýstardy satyp alýdy josparlap otyrmyz. Shyǵys aınalama joly qurylysy da bitýge jaqyn qaldy. Ol ashylsa, qalanyń ortalyqtaryna túsetin salmaqty azaıtatyn bolady. El táýelsizdiginiń 20 jyldyǵyna oraı, metropolıten qoldanysqa beriletin bolady. Qazir metro qurylysynyń 2 kezeńi bastalyp ketti. Bunymen qatar, Respýblıka Saraıy keshendi jóndeýden ótkizilýde»,-dedi qala ákimi.
Qala basshysy sonymen qatar, qalany kógaldandyrý men abattandyrý jumystary qazirgi ýaqytta da jalǵasyn taýyp jatqandyǵyn atap ótti. «Jyl basynan beri 20 myń aǵash otyrǵyzylyp, 180 myń sharshy metrge gúlder egildi. Bul kórsetkish ótken jylǵa qaraǵanda tórt esege kóp. Jyldyń sońyna deıin 7 myń aǵash otyrǵyzylatyn bolady. Bul oraıda, bir qýantarlyǵy búginde Almaty qalasynda jeke gúl ósirýmen aınalysatyn uıymdar kóbeıdi. Búginde Almaty sýburqaqtarǵa toly, kógaldandyrylǵan, taza ózendi, gúldengen qalaǵa aınalýda»,-dep atap ótti A.Esimov.
