Búgin «Zorlyq-zombylyqsyz balalyq shaq» atty respýblıkalyq naýqan bastaldy
ASTANA. QazAqparat - Qazaqstan Respýblıkasy BUU-nyń Bala quqyqtary týraly konventsııany ratıfıkatsııalaǵanyna 20 jyl tolýyna oraı, Qazaqstanda 2014 jylǵy 19 - 28 qarasha aralyǵynda «Zorlyq-zombylyqsyz balalyq shaq» atty respýblıkalyq aqparattyq naýqan ótedi.
«Naýqannyń maqsaty - balalarǵa qatysty zorlyq-zombylyq problemalary men saldary jaıynda, sonymen qatar osy salada halyqaralyq jáne ulttyq zańnama negizderi týraly qoǵamdy, balalar men eresekterdi aqparattandyrý. Shara aıasynda respýblıkanyń barlyq aımaqtarynda baspasóz konferentsııalary, semınarlar, kezdesýler, flesh-mobtar, reıdtik is-sharalar, bilim berý uıymdarynda kórmeler jáne basqa da sharalar ótkiziledi»,-delingen QR BǴM málimetinde.
Osy baǵyttaǵy sharalarǵa zorlyq-zombylyq pen qatygezdikten zardap shekken balalar men jasóspirimderge kómek kórsetetin, qıyn jaǵdaıǵa tap bolǵan otbasylardy qoldaýmen aınalysatyn memlekettik qurylymdardyń, qoǵamdyq jáne úkimettik emes uıymdardyń ókilderi, ata-analar, balalar, jastar jáne buqaralyq aqparat quraldary qatysady.
