Búgin - jyldyń eń qysqa kúni jáne eń uzaq túni
ASTANA. QazAqparat - Búgin - jyldyń eń qysqa kúni jáne eń uzaq túni. Ejelgi Qytaıda qys kúnderiniń toqyraý meıramy (Dýnchjıtsze). Bul elde qystaǵy kúnniń toqyraýy eń baqytty kún jáne toılaýǵa laıyqty meıram dep sanalady. Jyl saıyn jeltoqsannyń 21-i men 22-si aralyǵyna keledi.
Qystaǵy toqyraý kúni jyldyń eń qysqa kúni jáne eń uzaq túni bolyp esepteledi. Ol - Jerdiń óz osinen aınalýy barysynda Kúnge kóriný múmkindiginiń meılinshe azaıýy. Halqymyz muny «qys ortasy», «eń qysqa tún», «qystyń alǵashqy kúni» dep te ataǵan. Bul kezde Soltústik jarty sharda astronomııalyq qys bastalyp, Soltústik polıýs qalyń qarańǵylyq qushaǵynda qalady. Kúnniń qysqy toqyraýynan soń kúnniń birtindep uzarýy bastalady.
