Búgin jýrnalıster arasynda shahmattan týrnır ótedi
ASTANA. QazAqparat - 11 shilde kúni Jansaıa Ábdimáliktiń Almaty qalasyndaǵy shahmat akademııasynda «Qazaq gazetteriniń» 15 jyldyǵyna oraı «Aqıqat» qoǵamdyq-saıası jýrnalynyń júldesi úshin jýrnalıster arasynda dástúrli shahmat týrnıri ótedi.
Týrnırge saıt arqyly jáne telefonmen habarlasqandar aldyn ala jazyldy. Ázirge barlyǵy 26 adam tirkeldi. Olardyń ishinde «Tengrı» jýrnalynan - T.Ábdrahımov, «Bı-nıýs» portalynan - N.Ramazanova, «Zań» gazetinen - B.Áshirbaev, O.Sahıdáýletuly, QazUTÝ-dan- D.Kumar, B.Kákimuly, S.Rahymbekov, T.Begimov, «Qazaq sporty» gazetinen - Z.Jekeıuly, «Kazahstanskaıa pravda» gazetinen - V.Masın, ardagerler Ǵ.Táshimbaı, J.Ánesuly, «Aqıqat» jýrnalynan A.Álim, Á.Bákirov, «Na straje» gazetinen - T.Jalmuhamed, Qazaq radıosynan - A.Jolamanov, «Qazaq gazetterinen» F.Nálibaev, «Uıǵyr avazı» gazetinen - I.Baratov, «Ekonomıka» gazetinen - A.Shopan, «Ana tili» gazetinen - N.Qumar, B.Nálibaev, «Dala men qaladan» - A.Bekov bar.
Bıylǵy shahmat týrnıriniń bas demeýshisi - Tuńǵysh Prezıdent qorynyń bilim berý qory. Jeńimpazdarǵa noýtbýk, dıktofon sııaqty baǵaly syılyqtar tabys etiledi. Elimizdiń buqaralyq aqparat quraldarynda qyzmet isteıtin barlyq áriptesterimizdi aqyldylardyń oıynynda baq synaýǵa shaqyramyz. Shahmat týrnırine qatysamyn deýshilerge esik ashyq, dep habarlaıdy qazaq-alemi.kz.
