Búgin - Jumys oryndaryndaǵy qaýipsizdik pen densaýlyqtyń dúnıejúzilik kúni
ASTANA. Sáýirdiń 28-i. QazAqparat - Búgin - Jumys oryndaryndaǵy qaýipsizdik pen densaýlyqtyń dúnıejúzilik kúni. Bul ataýly kún Halyqaralyq eńbek uıymynyń (HEU) usynysymen atap ótilip keledi.
Halyqaralyq uıymnyń málimetteri boıynsha álemde árbir 15 sekýnd saıyn jumys ornyndaǵy jazataıym oqıǵalardan nemese kásibı aýrýlardan 1 adam kóz jumady, 160 adam áldeqandaı baqytsyz jaǵdaıǵa dýshar bolyp jatady eken.
Búgin sondaı-aq, Eńbekti qorǵaýdyń dúnıejúzilik kúni. Bul kún álemniń 100-den astam elinde, onyń ishinde Qazaqstanda da atap ótiledi.
Atalmysh kúndi atap ótý ıdeıasy 1989 jyly amerıkandyq jáne kanadalyq jumysshylardyń qaza tapqan jumysshylardy eske alý maqsatynda ótkizgen kúnnen (the Workers Memorial Day) bastaý alady jáne 2001 jyldan bastap jyl saıyn atap ótiledi.
