Búgin Joǵary eýrazııalyq ekonomıkalyq keńes Birlesken málimdeme jasaıdy
Jıynda sóz sóılegen Memleket basshysy Qasym-Jomart Toqaev Joǵary eýrazııalyq ekonomıkalyq odaqtyń uzaq merzimdi ornyqtylyǵy saýda protsesteriniń turaqtylyǵyna tikeleı baılanysty ekendigin atyp ótti.
«Qazirgi ýaqytta saýda - «tórt erkindiktiń« eń basty baǵyty. Eýrazııalyq damý banki birlesken jobamyz bar. Bul bank daǵdarystan keıingi kezeńdegi birlesken jobalarymyzdy qarjylandyrýdyń tıimdi quraly bolýǵa tıis. Búginde Qazaqstan koronavırýsty anyqtaıtyn test júıesin ázirlep, vaktsına daıyndaýǵa kirisip ketti. Osyndaı jumys Odaqtyń basqa da elderinde júrgizilýde. Bul salada Reseıdiń de jetistigi mol.
Biz aqparat almasý, indetti anyqtaýdyń ınnovatsııalyq tásilderin jáne ony emdeýdiń joldaryn ázirleý, elderimiz arasyndaǵy ǵylymı yntymaqtastyqty kúsheıtý máseleleri boıynsha ózara is-qımyldardy jandandyra túsýimiz kerek.
Memleketterimizde karantın rejıminiń engizilýine baılanysty tsıfrlyq taýarlar men qyzmetterge suranys artqanyn kórip otyrmyz. Sonymen qatar tsıfrlyq ınfraqurylymnyń sapasy men senimdiliginiń asa mańyzdy ekenine kóz jetkizdik»,-dedi QR Prezıdenti.
Sonymen qatar Memleket basshysy komıssııaǵa múshe-memleketter úkimetterimen birlesip atalǵan baǵytta yntymaqtasa jumys júrgizý úshin naqty usynystar jobasyn daıyndaýdy usyndy.
