Búgin - jazýshylardyń dúnıejúzilik kúni
ASTANA. Naýryzdyń 3-i. QazAqparat - Búgin - Jazýshylardyń dúnıejúzilik kúni. Bul ataýly kún 1986 jylǵy qańtardyń 12-i men 18-i aralyǵynda ótken Halyqaralyq PEN-klýbtyń 48-shi kongresiniń sheshimimen atap ótiledi.
PEN-klýbtyń negizi 1921 jyly qalandy. Uıymnyń ataýy - aǵylshyn sóziniń birinshi árpinen quralǵan poets - aqyndar, essayists - esseshiler, novelists - novellashylar abbrevıatýrasy. Bul jaǵdaıdyń abbrevıatýrasy aǵylshyn tilinen aýdarǵanda pen - qalam sóziniń sáıkes kelýin eskerte ketý kerek.
Qazaqstanda 750 otandyq kásibı ádebıetshilerdi biriktiretin qoǵamdyq, shyǵarmashylyq uıym - Qazaqstan Jazýshylar odaǵy jumys isteıdi.
Qazaqstan Respýblıkasy Jazýshylar odaǵynyń bastaýynda memleket jáne qoǵam qaıratkeri, jazýshy Sáken Seıfýllın turdy. 1925 jyly respýblıkada jas daryndardy biriktiretin jáne olardy qoldaıtyn Qazaqstannyń proletarlyq jazýshylar qaýymdastyǵy quryldy, ol 1934 jyly Qazaqstannyń keńes jazýshylary odaǵy bolyp ózgertildi.
Bul uıymdy 80 jyl boıy bizdiń respýblıkamyzda Jazýshylar odaǵynyń basqarmasyn Sáken Seıfýllın, Іlııas Jansúgirov, Ǵabbas Toǵjanov, Sábıt Muqanov, Muhamedjan Qarataev, Dıhan Ábilev, Ábdilda Tájibaev, Ǵabıden Mustafın, Ǵabıt Músirepov, Ádı Sháripov, Ánýar Álimjanov, Juban Moldaǵalıev, Oljas Súleımenov, Qaldarbek Naımanbaı basqardy. Qazirgi tańda Nurlan Orazalın tóraǵalyq etedi.
Búgin Jazýshylar odaǵy - Qazaqstannyń burynnan kele jatqan birlestikteriniń biri. Jazýshylar odaǵynyń quramynda - qazaq, orys, uıǵyr, nemis jáne káris ádebıetiniń shyǵarmashylyq sektsııalary, Qaraǵandyda, Semeıde, Oralda, Astanada, Shymkente 5 oblysaralyq bólimsheleri bar.
