Búgin jas ǵalymdar marapattalady
ASTANA. 12 aqpan. QazAqparat - Búgin, 12 aqpan kúni Lev Gýmılev atyndaǵy Eýrazııa ulttyq ýnıversıtetinde jas oqytýshylarǵa EUÝ rektory Baqytjan Ábdiraıym álemniń reıtıngti jýrnaldarynda jarııalanǵan maqalalary men ǵylymdaǵy erekshe izdenisteri úshin 300 myń teńge kóleminde stıpendııa tapsyrady, dep habarlady L.Gýmılev atyndaǵy Eýrazııa ulttyq ýnıversıtetiniń baspasóz ortalyǵy.
Aldaǵy ýaqytta dástúrge aınalatyn atalmysh stıpendııanyń alǵashqy ıegerleri bolyp 4 PhD doktoranty anyqtaldy. Olar: Fızıka-tehnıka fakýltetiniń aǵa oqytýshysy Ánýar Aldońǵarov, Matematıka-mehanıka fakýltetiniń aǵa oqytýshysy Aqsáýle Jubanysheva, Úmit Turysbekova, Fızıka-tehnıka fakýlteti dekanynyń tárbıe jumysy jónindegi orynbasary Álııa Nurmuhanbetova.
«Lev Gýmılev atyndaǵy Eýrazııa ulttyq ýnıversıteti jas ǵalymdarǵa únemi qamqorlyq jasap keledi. Adam kapıtalyn damytý arqyly bıik belesti baǵyndyrýdy basty maqsat etken elimiz úshin jas ǵalymdarǵa qoldaý kórsetý ıgi shara sanalady. EUÝ rektory B.Ábdiraıym bastaǵan ıgi qadam ózge de ýnıversıtet basshylaryna úlgi bolary sózsiz, dep atap ótti baspasóz qyzmeti.
