Búgin jarııalanatyn Memleket basshysynyń Joldaýynan 48 BAQ ókili habar taratady

NUR-SULTAN. QazAqparat – QR Prezıdenti Qasym-Jomart Toqaevtyń búgin jarııalanatyn Joldaýynan habar taratý úshin 48 BAQ-tyń 150-den astam ókili akkredıtatsııadan ótken. Bul týraly BORT №1 Telegram kanalynan málim boldy, dep habarlaıdy QazAqparat.

«Búgin Prezıdent pen barsha qazaqstandyq úshin mańyzdy kún. Sanaýly mınýttardan keıin Parlament palatalarynyń birlesken otyrysy bastalady. Jıynda Memleket basshysy Qazaqstan halqyna Joldaýyn jarııalaıdy. Bastalýy saǵat 11:00-de»,-delingen habarlamada.

Memleket basshysynyń Qazaqstan halqyna joldaýyn jarııalaıtyny budan buryn da habarlanǵan bolatyn.

Jıynǵa qatysýshylar Parlament ǵımaratyna kelip jatyr.

Joldaýǵa memlekettik organdardyń, ulttyq kompanııalardyń resmı tulǵalarymen qatar Ulttyq qoǵamdyq senim keńesiniń músheleri de qatysady.