Búgin Jakartada boks dodasy bastaldy

JAKARTA. QazAqparat - Búgin Jakartada bokstan jekpe-jekteri bastaldy. Olar 1 qyrkúıekke deıin jalǵasady, dep habarlaıdy QazAqparat Azııa boks konfederatsııasyna silteme jasap.

Sporttyń atalmysh túri Azııa oıyndarynyń 1954 jyly ótkizilgen ekinshi oıyndardyń kezinde engizildi.

«Azııa oıyndary ár Olımpıada kezeńiniń ortasynda ótetin qurlyqtyń basty sporttyq dodasy. Bul boksshylar, bapkerler men tóreshiler úshin, jalpy, barlyǵymyz úshin olımpıadalar arasyndaǵy ózgeshe emtıhan desek bolady», - dedi Halyqaralyq áýesqoı boks qaýymdastyǵynyń vıtse-prezıdenti Serik Qonaqbaev.
 

Sondaı-aq, Azııa boks konfederatsııasynyń basshysy Indonezııada ótip jatqan Azııa oıyndarynyń uıymdastyrylý deńgeıin joǵary dep baǵalady.

Indonezııa Jazǵy Azııa oıyndaryn ekinshi ret qabyldap otyr. Atalmysh oıyndar alǵash ret dál osy jerde 1962 jyly ótkizilgen edi.