Búgin Vegetarıanshyldardyń halyqaralyq kúni
ASTANA. 1 qarasha. QazAqparat - Halyqaralyq vegan kúni (World Vegan Day) Vegan qoǵamy óziniń 50 jyldyq mereıtoıyn atap ótken - 1994 jyldyń 1 qarashasynda paıda boldy.
Vegan sózin Donald Ýotson «vegetarian» («vegetarıanshyl», «vegetarıandyq») sóziniń alǵashqy úsh jáne sońǵy eki árpinen qurady. Bul termındi 1944 jyldyń 1 qarashasynda Londonda D.Ýotson negizin qalaǵan Vegan qoǵamy paıdalana bastady.
Veganızm (vegandyq) - qatań vegetarıandyqty, ıaǵnı etten múldem bas tartqan ómir súrý daǵdysyn ustaný. Vegandar quramynda janýarlardan alynǵan komponentter múldem bolmaıtyn, tek ósimdikti azyq-túliktermen tamaqtanady. Olar as mázirlerinen tipti, jumyrtqa, sút, bal jáne osylarǵa uqsas ózge de azyq-túlikterdi alyp tastaǵan. Vegandar bylǵarydan, ishikten, júnnen, jibekten jasalǵan kıim-keshekterdi kımeıdi.
Joǵaryda atalǵandardan bas tartýdyń sebebi ártúrli bolýy múmkin, biraq negizgisi - janýarlardyń óltirilýine jáne olarǵa qatygezdiktiń kórsetilýine qatysty bolýdy qalamaý.
