Búgin - Veb-baǵdarlamashylar kúni
ASTANA. 4 sáýir. QazAqparat - Sáýirdiń 4-i - Veb - baǵdarlamashylar kúni bolyp esepteledi.
Qarapaıym adam «Baǵdarlamalaý» jáne oǵan baılanysty sózderdiń barlyǵyn kóbinese derbes kompıýtermen ǵana baılanystyrady, alaıda bul qate. Kez kelgen elektrondyq qurylǵy - qashyqtan basqarý pýltinen bastap baǵdarlamamen basqarylatyn kúrdeli óndiristik stanoktarǵa deıin baǵdarlamalaý mamandary qolynan ótedi.
Biz baǵdarlamashylardyń jasaǵan eńbek jemisterimen saǵat saıyn kezdesemiz. Teledıdar kóremiz, radıo tyńdaımyz, telefonmen sóılesemiz - osynyń bári baǵdarlamashynyń jumysy. Birde-bir mamandyq bizdiń ómirimizdiń barlyq salasyn qamtymaıdy.
Bul mereke tutasymen vırtýaldy bolǵandyqtan, bizderdiń ataqty baǵdarlamashylarymyzdyń eńbekteri kóz aldaryńyzda bola bermek. Baǵdarlamashy mamandyǵynyń mańyzyn kúndelikti ómirde baǵalamaý óte qıyn. Bul qyzmet túri buqaralyqqa aınalyp keledi, sondaı-aq qazirgi qoǵamnyń jańalyǵyn bildiredi.
Degenmen, baǵdarlamashylar kúnin ár jerde ártúrli kúnderi toılaıdy.
- 19 shilde - alǵashqy baǵdarlamany jasaǵan kún. Ony alǵashqy baǵdarlamashy jáne Djordj Baıronnyń qyzy Avgýst Ada Lavleıs jazdy. Baǵdarlama aǵylshyn matematıgi Charlz Bebbıdjdiń analıtıkalyq mashınasynda Bernýllı sanyn esepteýge arnalǵan bolatyn.
- 10 jeltoqsan - Ada Lavleıstiń (1815 g.) týǵan kúni, 1980 jyldyń 10 jeltoqsanynda bekitilgen alǵashqy ámbebap Ada algorıtmdik baǵdarlamalaý tili osy Adanyń qurmetine ataldy.
- 4 sáýir - Veb- baǵdarlamashylar kúni.
- 26 shilde - kompıýterlik vırýsty jasaǵan adamǵa kiná taǵylǵan kún. 1989 jyly osy kúni kompıýter qurtyn jasaǵan jáne engizgen stýdent Robert Morrıstke qylmystyq is qozǵaldy.
Kompıýter mamandary sondaı-aq, jyldyń 256-shy kúni de ózderiniń tól merekelerin atap ótedi. 256 (ekiniń elý segizinshi dárejesi) sanynyń tańdalǵan sebebi - bul bir baıttyń kómegimen kórsetetin san bolyp tabylady. Kibise jyldary bul meıram 12 qyrkúıekke keledi, al kibise emes jyldary 13 qyrkúıekke keledi.
