Búgin Vankýverde HHІ qysqy Olımpıadalyq oıyndar bastalady
ASTANA. Aqpannyń 12-si. QazAqparat - Aqpannyń 12-si men 28-i aralyǵynda Kanadanyń Vankýver qalasynda HHІ qysqy Olımpıadalyq oıyndar ótedi.
Jarystarǵa álemniń 80 elinen 3 myńnan astam sportshy qatysady. Baıraqty básekeler barysynda sporttyń 15 túri boıynsha 86 nagrada komplekti oınatylady.
Qazaqstannyń Olımpıadalyq quramasy Vankýver Olımpıadasyna qatysý úshin 40 lıtsenzııa jeńip aldy. Bizdiń sportshylar sporttyń 9 túri boıynsha óner kórsetedi:
1. Bıatlon - 9 lıtsenzııa.
2. Shańǵy jarysy - 11.
3. Taý shańǵysy - 2.
4. Konkımen syrǵanaý - 4.
5. Tramplınnen shańǵymen sekirý - 2.
6. Frıstaıl (mogýl) - 5.
7. Frıstaıl (akrobatıka ) - 1.
8. Short-trek - 1.
9. Mánerlep syrǵanaý - 2.
Qazaqstandyq sportshylar úshin - bul besinshi qysqy Olımpıada.
Aqpannyń 12-si kúni ótetin Olımpıadanyń ashylý rásimine Qazaqstan delegatsııasyn tý ustaýshy, Qazaqstannyń bıatlonnan chempıony Dıas Keneshov bastap shyǵady.
