Búgin úsh qalada aýa sapasy nasharlaıdy - sınoptıkter
NUR-SULTAN. QazAqparat – «Qazgıdromet» RMK elimiz qalalaryndaǵy aýa sapasynyń meteorologııalyq ahýaly týraly málim etti, dep habarlaıdy QazAqparat.
Sınoptıkterdiń málimetinshe, 11 jeltoqsan kúni Aqtóbe, Balqash jáne Shymkent qalalarynda qolaısyz meteojaǵdaı qalyptasady.
Qazaqstannyń ózge shaharlarynda aýanyń lastanýy kútilmeıdi.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
