Búgin UOK ókilderi Olımpıadaǵa attandy

ASTANA. QazAqparat - Búgin tań ata Astanadaǵy Nursultan Nazarbaev áýejaıynan XXIII qysqy Olımpıadaǵa Ulttyq olımpıada komıtetiniń qyzmetkerleri attandy, dep habarlaıdy QazAqparat tilshisi.

QR UOK sport dırektsııasynyń jetekshisi Elsııar Qanaǵatov bastaǵan delegatsııa qatarynda sportshylar men jattyqtyrýshylardyń jaǵdaıyna jaýapty mamandar da bar. Olar olımpıadalyq qalashyqqa erterek baryp, uıymdastyrý sharalaryn pysyqtaıdy.

Osy oraıda, Elsııar Qanaǵatov tilshilerge sportshylardyń bári bekitilgen tizimmen jospar boıynsha olımpıadalyq qalashyqqa ret-retimen baratynyn jetkizdi.

«Shtabtyń jumysy eń basty jumysy - sportshylarǵa jaǵdaı jasap, ýaqytynda kútip alý. Sondaı-aq, tamaq jaǵyn qarastyryp, oqý-jattyǵý jumystary qaı ýaqytta bolatynyn, qaı ýaqytta jınalys bolatynyn aıtyp otyrý. Sportshylarǵa barynsha qolaıly jaǵdaı jasaý», - dep atap ótti.

Esterińizge sala keteıik, Qazaqstan quramasynyń alǵashqy legi keshe Ońtústik Koreıaǵa taban tiregenin habarlaǵan bolatynbyz.