Búgin Ýnıversıadada júlde alǵan jerlesterimiz Koreıada synǵa túsedi
ASTANA. QazAqparat - Ýnıversıada aıaqtala sala frıstaıl-akrobatshylarymyz demalmastan álem kýbogyna attanyp ketti, dep habarlaıdy QazAqparat tilshisi.
Alataý bókterinde ótken 28-shi qysqy Ýnıversıada oıyndarynda Qazaqstandyq frıstaıl-akrobatshylar ózderiniń básekege qabiletti ekenderin dáleldep, 1 altyn, 1 kúmis jáne 1 qola medal enshiledi.
Búgin sporttyń bul túrinen ulttyq qurama Koreıa elinde ótetin Býgvan Fenıks Parkta álem kýbogynyń kezeńine qatysady.
Bul saıysta qyzdar arasynda el namysyn Janbota Aldabergenova, Jibek Arapbaeva, Aqmarjan Qalmurzaeva, Marjan Aqjigit, erler arasynda Baǵlan Іńkárbek, Ildar Badrýtdınov, Lım Dmıtrıı jáne Zamanbek Aqjol qorǵaıdy.
Esterińizge sala keteıik, qysqy Olımpıada oıyndary kelesi jyly Koreıa elinde ótedi. Sol úshin bul elde ótken árbir jarys bizdiń sportshylar úshin asa mańyzdy.
