Búgin Ulttyq mýzeıde «Qobyz saryny» atty kontsert ótedi
ASTANA. QazAqparat - Búgin Qazaqstan Respýblıkasy Ulttyq mýzeıinde qobyzshy Raýshan Orazbaevanyń «Qobyz saryny» atty lektsııa-kontserti ótedi, dep habarlaıdy QazAqparat elmizdiń Mádenıet jáne sport mınıstrliginiń saıtyna silteme jasap.
Kontserttiń maqsaty - búginge deıin qaımaǵy buzylmaı jetken qazaqtyń qobyzshylyq ónerin, onyń ókilderi men shyǵarmalaryn qalyń kópshilikke nasıhattaý.
Shara barysynda qonaqtar qobyzshy, QR Mádenıet qaıratkeri, Qazaq Ulttyq óner ýnıversıtetiniń aǵa oqytýshysy Raýshan Orazbaevanyń dárisin tyńdap, Astana qalalyq № 1 mýzyka mektebiniń «Qobyz-Rýh» ansambliniń ónerin tamashalaıdy.
Atalǵan shara «Halyq qazynasy» ǵylymı-zertteý ınstıtýtynyń «Dástúrli mýzykalyq mura» atty mýzeılik baǵdarlamasy aıasynda uıymdastyrylyp otyr.
Sharanyń bastalýy 2016 jyldyń 22 qarashasynda saǵat 16-30-ǵa josparlanǵan.
