Búgin «Ulttyq medıtsınalyq holdıngi arýy - 2011» baıqaýynyń qorytyndysy shyǵaryldy

Búgin Ana men bala ulttyq ǵylymı ortalyǵynda Ulttyq medıtsınalyq holdınginiń (UMH) áıelder qaýymyn alda kele jatqan halyqaralyq meıramdarymen quttyqtaýǵa arnalǵan shara ótti. Onyń barysynda 2011 jyldyń 11 aqpany men búgingi kúnge deıin UMH-ǵa enshiles barlyq densaýlyq saqtaý uıymdary arasynda ótkizilgen «UMH arýy - 2011» baıqaýynyń jeńimpazdary anyqtalyp, marapattaldy.

Jeńimpazdar úsh atalym boıynsha anyqtaldy: «Holdıng arýy», «Súıkimdi arý» jáne «Internet arýy». Alǵashqy eki atalymǵa laıyqty arýlardy erler qaýymynan qurylǵan qazylar alqasy anyqtady. Jeńimpazdy anyqtaýda arýdyń kelbetimen birge, onyń ózi týraly jazǵan ómirbaıany nazarǵa alyndy. Al «Internet arýyn» Holdıng qyzmetkerleri ınternette daýys berý arqyly ózderi tańdady.

Baǵdarlama barysynda sondaı-aq, adal, ári belsendi eńbekterimen densaýlyq saqtaý salasynyń damýyna súbeli úlesterin qosyp júrgen qyzmetkerler qurmet qaǵazdarymen marapattaldy.

Aıta keteıik, búginde UMH-da 4,5 myńǵa jýyq qyzmetker eńbek etedi, onyń 3,5 myńyn áıelder quraıdy.

Іs-shara qazaqstandyq estrada juldyzdarynyń merekelik kontsertimen jalǵasty.