Búgin Ulttyq lıgadaǵy erler komandalary arasynda HH Qazaqstan chempıonaty 5-týrynyń aqtyq oıyndary ótedi

Alǵashqy 3 oıynnyń qorytyndysy boıynsha týrnır kestesinde 4-orynda kele jatqan alań ıeleri bul básekede óz qorjynyna 8 upaı qosyp, óskemendiktermen aradaǵy upaı aıyrmashylyǵyn 1-ge deıin qysqarta aldy.

Bul týrnırde aldymen óskemendikterge, odan keıin atyraýlyqtarǵa 2:3 esebimen jeńilip qalǵan almatylyqtar, óz qorjynyna 7 upaı saldy. Osyǵan qaramastan olar týrnır kestesindegi kóshbasshylyqty berik ustaýda. Hromtaýlyqtar ( «TNK Qazhrom») da tórt kezdesýde 8 upaıǵa ıe bolǵanmen, bul  almatylyqtardy qýyp jetýge jetkiliksiz bolyp otyr. Búgin ótetin aqtyq oıynda «Esil» (Qyzyljar) men «Almaty», «Shyǵys-QorǵasynQurylys» (Óskemen) pen «Kondensat» (Oral), «Atyraý» men «TNK «Qazhrom» ózara kezdesedi.

Qazir týrnır kestesinde 60 upaımen «Almaty» kósh bastaýda. Odan  6 upaıy kem «TNK Qazhrom» - ekinshi, al 33 upaı jınaǵan «Shyǵys-QorǵasynQurylys»  úshinshi orynda kele jatyr. Óskemendikterden 1 upaıy kem atyraýlyqtar - tórtinshi, 22 upaımen «Esil» - besinshi jáne 16 upaımen oraldyqtar altynshy orynda tur.