Búgin – Ulttyq qaýipsizdik komıteti kúni
Osydan týra 30 jyl buryn 1992 jyldyń 13 shildesinde el Prezıdentiniń Jarlyǵymen Qazaqstan Respýblıkasynyń Ulttyq qaýipsizdik komıteti quryldy. Búginde Ulttyq qaýipsizdik komıteti óz quzyreti sheginde Qazaqstan Respýblıkasy ulttyq qaýipsizdik organdarynyń biryńǵaı júıesine, barlaý, qarsy barlaý, jedel-izdestirý qyzmetine, memlekettik shekarasyn kúzetýge, úkimettik baılanys qyzmetine jáne «A» arnaýly maqsattaǵy qyzmetine basshylyqty, onyń quzyretine jatatyn qyzmet salalarynda vedomstvoaralyq úılestirýdi, sondaı-aq memlekettik qupııalardy qorǵaý salasyndaǵy biryńǵaı saıasatty júzege asyrady jáne Qazaqstan Respýblıkasynda memlekettik qupııalardy qorǵaý jónindegi ýákiletti organ sanalady.
Táýelsizdik jyldary ishinde Sırııadaǵy soǵysqa attanǵan otandastarymyzdy elge oraltýǵa baǵyttalǵan «Jýsan» operatsııasyn, halyqaralyq terrorıstik uıymdardyń Qazaqstandaǵy qurylymdaryn joıýǵa baǵyttalǵan operatsııalardy sátti júzege asyrdy. Sonymen qatar ıadrolyq otyn retinde qoldanylǵan joǵary baıytylǵan ýrandy Qazaqstannan shyǵarý ári tasymaldaý jónindegi joba «Sapfır», shet memlekettiń agentteri men barlaýshylaryn ustaý úshin ázirlengen «Vıktorııa» operatsııalary barysynda kásibı biliktilikterin tanytty.
«Gorka», «Taıfýn» syndy biregeı operatsııalardy júzege asyryp, halyqaralyq esirtki bıznesiniń jolyn kesti.
Foto:gov.kz
