Búgin Ulttar lıgasy jartylaı fınalynda Nıderland pen Horvatııa kezdesedi

ASTANA. QazAqparat - 14 maýsymnan 15-ne qaraǵan túni UEFA Ulttar lıgasy jartylaı fınalynda alǵashqy oıyn ótkiziledi. Bul kúni Nıderland jáne Horvatııa quramalary kezdesedi, dep habarlaıdy QazAqparat tilshisi.

UEFA Ulttar lıgasynyń fınaldyq satysy 14-18 maýsym aralyǵynda Nıderlandtyń Rotterdam jáne Enshade qalalarynda ótkiziledi.

Jarystyń atalǵan satysynda Nıderland, Horvatııa, Ispanııa, Italııa quramalary bas báıgege talasady.

Búgin jartylaı fınaldyń alǵashqy oıynynda Nıderland pen Horvatııa sheberlik baıqasady. Oıyn elorda ýaqytymen 00.35-te bastalyp, «Qazsport» telearnasynan tikeleı efırde kórsetiledi.

Sondaı-aq, 15-nen 16-na qaraǵan túni taǵy bir jartylaı fınalda Ispanııa men Italııa jartylaı fınal oıynyn ótkizedi.

Al úshinshi oryn úshin oıyn men fınal 18 maýsymǵa belgilengen.

Aıta ketsek, Ulttar lıgasy 2019 jyldan beri uıymdastyrylyp keledi. Qazirge deıin 2019 jyly Portýgalııa, 2021 jyly Frantsııa chempıon atandy.

Eske salsaq, Qazaqstan quramasy V dıvızıonyna joldamaǵa qol jetkizdi.

Qazaqstandyq fýtbolshylar S lıgasy úshinshi tobynda Slovakııa, Ázerbaıjan jáne Belarýs quramalarymen synǵa tústi.