Búgin UQK arnaıy qyzmettiń zamanaýı jáne kásibı deńgeıine jetti - Nurtaı Ábiqaev
ALMATY. 29 maýsym. QazAqparat - Búgin QR Ulttyq qaýipsizdik komıtetiniń qatary jas ofıtserlermen tolyqty.
Saltanatty sharaǵa Almaty qalasynyń ákimi Ahmetjan Esimov, Ulttyq qaýipsizdik komıtetiniń tóraǵasy Nurtaı Ábiqaev, sondaı-aq UQK Akademııasynyń ardagerleri men qyzmetkerleri, túlekterdiń týysqandary qatysty, dep habarlady ákimniń baspasóz qyzmeti.
«Joǵarǵy Bas qolbasshy Nursultan Nazarbaevtyń turaqty qoldaýy arqasynda UQK zamanaýı deńgeıge kóterilgen kásibı arnaıy qyzmetke aınalyp, álemdik jáne óńirlik arnaıy qyzmetterdiń teń quqyly seriktesi bolýda»,- dedi UQK tóraǵasy.
Quttyqtaý sózderden soń Almaty qalasynyń ákimi Ahmetjan Esimov, UQK tóraǵasy Nurtaı Ábiqaev, UQK Akademııasynyń bastyǵy Ádil Shaıahmetov, otstavkadaǵy general-polkovnık Sát Toqpaqbaev UQK Akademııasynyń túlekterine dıplomdardy tabys etti.
