Búgin Úkimet basshysy tótenshe jaǵdaılar máseleleri jóninde keńes ótkizdi

«TJ boıynsha keńes ótkizdim. Sharalar ázirledik. Mınıstrler V.Bojko, A.Jumaǵalıev búgin baspasóz-máslıhatyn ótkizedi», - dep jazǵan QR Úkimet basshysy óziniń Twitter-degi blogynda.

Búgin Almatyda jáne Almaty oblysyndaǵy sońǵy jerasty dúmpýleri kezindegi memlekettik organdardyń is-áreketteriniń «máselesin taldaǵan» taǵy bir keńes ótkizdim. Jer silkinisteri kezindegi ortalyq jáne jergilikti organdardyń is-áreketteriniń tıimdiligin arttyratyn is-sharalar ázirleý basty nazarda», - dep jazǵan QR Premer-Mınıstri blogynda.

«TJM, Baılanys jáne aqparat, Bilim jáne ǵylym, Densaýlyq saqtaý, Іshki ister mınıstrlikterine jáne basqa da ýákiletti memlekettik organdarǵa jer silkinisteriniń baldyq qýatyna qaramastan, ózara is-qımyldyń egjeı-tegjeıli tetikterin daıyndaýdy, sondaı-aq zilzala kezinde qalaı áreket etýge azamattardy oqytý júıesin qurýdy tapsyrdym. TJM men Baılanys jáne aqparat mınıstrligine qaýip-qater kezinde de, jer silkinisi paıda bolǵan jaǵdaıda da halyqty qulaqtandyrýdyń respýblıkalyq júıesin dereý qoldanýǵa turaqty daıyndyqty qamtamasyz etýdi jáne osy oraıda eń ozyq aqpattyq quraldardy paıdalanýdy erekshe tapsyrdym. Munyń barlyǵyn ózimniń jeke baqylaýyma alamyn.

Tótenshe jaǵdaılar, Baılanys jáne aqparat, Bilim jáne ǵylym mınıstrleri Almaty men Almaty oblysyndaǵy sońǵy jer asty dúmpýleri kezinde salǵyrttyqqa jol bergen kinálilerdi jazalaıtyn bolady. Tolyǵyraq V.Bojko men A.Jumaǵalıev jýyq arada arnaıy baspasóz- máslıhatynda aıtady», -dep atap ótken QR Úkimet basshysy.