Búgin Ýıstlerde olımpıadalyq derevnıada Qazaqstan jalaýyn kóterý rásimi bolady
STANA. Aqpannyń 9-y. QazAqparat - Kanadanyń Ulttyq olımpıadalyq komıtetiniń uıymdastyrý sheshimimen, Ýıstlerdegi olımpıadalyq derevnıada Qazaqstan jalaýyn kóterý rásimi búginge, aqpannyń 9-yna (Kanada ýaqyty boıynsha saǵat 15.00) aýystyryldy,
dep habarlaıdy QR Týrızm jáne sport mınıstrliginiń baspasóz qyzmetinen.
Saltanatty rásimge, sporttyq delegatsııa jetekshisi, Sport komıtetiniń tóraǵasy Anatóli Qulnazarov, sondaı-aq Qazaqstan Respýblıkasy Ulttyq olımpıadalyq komıtetiniń ókilderi jáne sportshylar qatysady.
Ulttyq jalaýdy kóterýdiń dástúrli rásimine olımpıadalyq derevnıa prezıdentiniń sportshylar delegatsııasyna arnaǵan joldaýy, Olımpıadaǵa qatysýsh eldiń memlekettik ánuranynyń oryndalýy jáne eskertkish kádesyılarmen almasý rásimi kiredi.
Shtattaǵy ulttyq komandalar men sporttyq rezervter dırektsııasynyń basshysy Elsııar Qanaǵatov telefonmen jańa ǵana habarlaǵandaı, «barlyq sportshylar olımpıadalyq derevnıaǵa kelip jaıǵasty jáne jattyǵýlaryna kiristi. Qazirgi kezde trassalar zerttelýde. Sportshylardyń kóbisi dopıng-tekserýden ótip boldy. Dúnıejúzilik antıdopıngilik agenttiktiń tarapynan bizdiń delegatsııaǵa eshqandaı syn-eskertý aıtylǵan joq».
Aıta ketý kerek, Kanadada kún jyly bolyp tur. Ýıstlerde búgin +5 gradýs. Degenmen, trassalarda qar jetkilikti, Oıyndarǵa eshteńe kedergi bolmaýy kerek. Sportshylar aýa raıyna beıimdelip boldy, olar jarysqa ázir.
