Búgin Túrkııanyń Samsýn qalasynda álemdik Gran-Prı serııasynyń ekinshi kezeńi bastaldy
ASTANA. QazAqparat - Búgin, 18 qyrkúıek kúni Túrkııada álemdik Gran-Prı serııasynyń ekinshi kezeńi bastaldy. Samsýn qalasy qatarynan eki kún boıy Olımpıada men álem chempıonatynan keıingi eń bedeldi jarysty qabyldaıdy.
G4 deńgeıindegi baıraqty dodada el namysyn taekvondodan Qazaqstan ulttyq quramasynyń sońǵy jyldardaǵy kóshbasshysyna aınala bilgen, 2014 jylǵy úzdik qazaq taekvondoshysy atanǵan Nursultan Mamaı qorǵaıtyn bolady, dep habarladysporttyń osy túrinen respýblıkalyq federatsııanyń baspasóz qyzmeti.
Qandasymyz osy shyǵys jekpe-jek túrinen barlyq qajetti upaı sanyn jınap, álemdegi úzdik 32 sańlaqtyń qataryna kirgen jalǵyz ulttyq qurama ókili bolyp shyqty.
Samsýn qalasyna Nursultan Mamaı taekvondo professory, ulttyq qurama keńesshisi, frantsýz mamany Fılıp Pıner jetekshiligimen attandy.
Jyl saıyn úsh Gran-prı serııasy, sondaı-aq osy baıraqty dodanyń fınaly qarastyrylǵan. Bul bedeldi jarystyń úsh kezeńi bıyl Máskeý, Samsýn jáne de Manchester qalasynda ótedi. Osy týrnırde kózge túskenderdiń barlyǵy Meksıka astanasy, Mehıko qalasynda ótetin fınalda óner kórsetedi.
Nursultan Mamaı Rıo-2016 oıyndaryna qatysýǵa birden-bir úmitker. Olımpıada lıtsenzııalary bul kez-kelgen Federatsııa men kásipqoı sportshynyń basty maqsaty ekeni aıdan anyq.
