Búgin Tuńǵysh Prezıdent kúnine oraı «Jeruıyq» rok-operasynyń premerasy ótedi

Bul týraly astana.kz saıtyna qalalyq Mádenıet basqarmasynan habarlady.

Asan Qaıǵynyń rólin Nurlan Ónerbaev somdaıdy. Sonymen qatar, mıýzıklge Baýyrjan Isaev, Svetlana Vasına, Baýyrjan Nýrymbetov, Astana qalasy teatrlarynyń akterleri, «Terra» jáne «Naz» bı ujymdary qatysady. «Jeruıyq» rok-operasynyń kompozıtory ári avtory Tólegen Muhamedjanov. Mıýzıkldyń qoıýshy rejısseri ıÝrıı Aleksandrov, qoıýshy sýretshisi Vıacheslav Okýnev. Mıýzıklde qazaqtyń halyq áni «Dýdar-aı» shyrqalyp, kóptegen balet qoıylymy oryndalady.

«Jeruıyq» rok-operasy eli úshin qutty meken izdegen Asan qaıǵy týraly ańyzǵa negizdelgen. Kóshpeli halyqtyń jut pen stıhııalyq apattardyń saldarynan qanshalyqty zardap shegetinin kóre tura, ol jer jánnaty «Jeruıyqty» izdeýge attandy, bul adamdardyń teńdigi men baqytynyń mekeni bolýy tıis. Alty atanǵa júk artyp, jyly, jaıly qonys qarap, qazaq jerin túgel sholyp shyǵady. Rejısserdiń paıymdaýynsha, «Jeruıyq» rok-operasynyń fınalynda Asan Qaıǵy ózi izdegen jeruıyqty Saryarqanyń tósinen tabady. Ol jańarýdyń, Qazaqstan halqynyń jetistikteriniń nyshany bolyp tabylatyn qazirgi Astana qalasy.

Eske salaıyq, «Jeruıyq» rok-operasy Beıbitshilik jáne Kelisim saraıynda saǵat 16.00 bastalady. Mıýzıkldiń uzaqtyǵy - 80 mınýt.