Búgin túnde Qazaqstannyń ortalyq, soltústik jáne shyǵysynda úsik júredi - Qazgıdromet
ASTANA. 5 mamyr. QazAqparat - Juma, 6 mamyr kúni Qazaqstannyń ońtústigi tsıklonnyń jáne soǵan baılanysty atmosferalyq fronttardyń yqpalynda bolady, keıbir jerlerde jańbyr jaýyp, kún kúrkireıdi, kúshti jel soǵady.
Qazaqstannyń soltústik aýmaǵyna antıtsıklon áser etip, túnde keıbir jerlerde úsik júredi, dep habarlaıdy «Qazgıdromet» RMK.
Qostanaı, Aqmola, Pavlodar, Qaraǵandy, Shyǵys Qazaqstan, Almaty, Ońtústik Qazaqstan oblystarynda, kúndiz Atyraý, Aqtóbe oblystarynyń keıbir jerlerinde jeldiń kúshi sekýndyna 15-20 metrge jetedi.
Túnde Qostanaı, Soltústik Qazaqstan, Aqmola, Pavlodar, Qaraǵandy, Shyǵys Qazaqstan oblystarynda kún sýytyp, keıbir jerlerde aýanyń temperatýrasy 0-3 gradýsqa deıin salqyndaıdy.
