Búgin túnde Gennadıı Golovkın alańǵa japondyq Nobýhıro Ishıdaǵa qarsy shyǵady
ASTANA. 30 naýryz. QazAqparat - Búgin túnde Monte-Karloda orta salmaqtaǵy WBA jáne IBO-nyń álem chempıony Gennadıı Golovkın óziniń kezekti aıqasyn WBO-nyń álem chempıony ataǵyna buryńǵy úmitker orta salmaqtaǵy japondyq Nobýhıro Ishıdaǵa qarsy ótkizedi.
Jekpe-jek saǵat 01.30-da «Qazaqstan» telearnasynan kórsetiledi.
Búgin Monakoda kezdesý aldyndaǵy salmaq ólsheý rásimi ótti. Sports.kz habarlaǵanyndaı, boksshynyń ekeýi de orta salmaq dárejesine (160 fýnt; 72,58 keli) saı boldy. Golovkın tarazyda 159,3 fýntty (72,26 kelini), Ishıda - 158,5 fýntty (71,9 kelini) kórsetti.
Eske salaıyq, Golovkın óziniń sońǵy kúresin 19 qańtar kúni Madison Square Garden (Nıý-Iork, AQSh) alańynda ótkizdi. Ol amerıkalyq Gabrıel Rosadony jetinshi raýndta tehnıkalyq nokaýtqa jiberip, ózine tıesili tıtýldy qorǵap qaldy.
Ishıda áýesqoılar alańynda 116 kezdesý ótkizip, 101-in utty, onyń 50-i nokaýtpen aıaqtaldy. 2009 jyldyń 30 tamyzynda Avendanomen qaıta kúresinde WBA nusqasy boıynsha ýaqytsha álem chempıony ataǵyna ıe boldy. 2010 jyly ataqty ekinshi ret qorǵaýda Rıgoberto Alvaresqa (26-2) utyldy.
