Búgin túnde «Baıqońyrdan» taǵy bir ǵarysh kemesi ushyrylady

BAIQOŃYR. QazAqparat - Roskosmos «Baıqońyr» ǵarysh aılaǵynan «Soıýz MS-06» kóliktik basqarylatyn kemeniń ushyrylymyna úsh saǵat qalǵanda  óziniń www.roscosmos.ru   saıtynda onlaın-translıatsııany bastaıdy, dep habarlaıdy QazAqparat.

Ekıpajdyń ushyrylym aldyndaǵy alty saǵatynyń árbir mınýty kestelenip qoıǵan.

Jergilikti ýaqytpen saǵat 00:20-da MKS 53/54 ekıpajynyń quramyndaǵy Mısýrkın, Vande Haı jáne Akaba Montajdy-synaq korpýsynyń alańyna shyǵyp, ushyrylymǵa daıyndyqtary jóninde memlekettik komıssııa tóraǵasyna baıandaıtyn bolady.

Kemeniń ushyrylymyn tamashalaý úshin kóptegen qonaqtar, tilshiler, sonyń ishinde qazaqstandyq BAQ ókilderi jınaldy.

Onlaın-translıatsııa MKS 53/54 ekıpajyn kemege otyrǵyzý sátinen bastalady. «Soıýz MS-06» kóliktik basqarylatyn kemeniń reseılik-amerıkalyq ekıpajy Halyqaralyq ǵarysh stansasynda 167 táýlik bolady. Eger barlyǵy shtattyq rejimde ótse, onda Roskosmos ǵaryshkeri Aleksandra Mısýrkın,  bortınjenerler, NASA ǵaryshkerleri  Mark Vande Haı jáne Djozef Akaba úsh saǵattan keıin Halyqaralyq ǵarysh stansasyna jetýi tıis.

«Soıýz MS-06» kemesiniń Baıqońyrdan ushyrylymy 13 qyrkúıek kúni Astana ýaqytymen 03 aǵat 17 mınýtqa belgilengen.