Búgin túnde Astanada merekelik otshashý bolady
ASTANA. QazAqparat - Búgin Astananyń týǵan kúninde qala turǵyndary men qonaqtary merekelik otshashýdy tamashalaı alady. Bul barlyq merekelik sharalardyń qorytyndysy ispetti bolmaq, dep habarlaıdy astana.kz.
Feıerverkter shoýy jergilikti ýaqyt boıynsha saǵat 23:00 bastalyp, 10 mınýtqa sozylady. Bıylǵy otshashý qalanyń 5 jerinde ótedi: Esil ózeniniń jaǵalaýy, "Han Shatyr" SOO alańy, Pýshkın kóshesi men Abylaı han dańǵylynyń qıylysy, Music Hall meıramhanasynyń jany jáne "Arman" dúkeni janyndaǵy "Jas batyr" stadıonynyń aýmaǵy. Aıta keteıik, elorda kúni aıasynda Astana qalasynda 100-den astam biregeı merekelik mádenı shara uıymdastyrylǵan. Alǵash ret Astana tórinde birinshi halyqaralyq jekpe-jek óneri festıvali, lazerlik-pırotehnıkalyq shoý, álemdegi bı óneriniń ozyq ókilderiniń qatysýymen ekstrım shoýlar, ıllıýzıonısterdiń sıqyry kópshilik nazaryna usynyldy. Qala kóshelerinde etnoaýyldarmen qatar 3D qalashyqtar oryn teýip, Esil ózeniniń jaǵalaýynda álem elderiniń mádenıetimen tanysýǵa múmkindik týdy. Sondaı-aq Astana aspanyna júzdegen batpyraýyq pen sharlar ushyryldy, qalalyq saıabaqtarda eń iri festıvaldar men halyqtyq serýender ótti.
