Búgin túnde «Astana Plast-2002» JShS-da iri órt boldy
ASTANA. 5 jeltoqsan. QazAqparat - 5 jeltoqsan kúni túnde, Astana qalasynyń Almaty aýdanynda ornalasqan «Astana Plast-2002» JShS-nyń jıhazdar saqtalatyn qoımasynda iri órt boldy.
QR TJM taratqan habarlamaǵa súıensek, tilsiz jaý elordalyq Tótenshe jaǵdaılar departamenti órtke qarsy qyzmetiniń 52 adamy men 12 tehnıkasynyń kúshimen jarty saǵatta aýyzdyqtaldy. Jalynnyń sharpyǵan jalpy aýmaǵy 500 sharshy metrdi qurady.
Qutqarýshylar anyqtaǵandaı, qurbandar men zardap shekkender joq.
