Búgin tórt qalada aýa sapasy nasharlaıdy

ASTANA. QazAqparat – 7 qyrkúıek kúni Qazaqstan aýmaǵynyń basym bóliginde qolaıly meteorologııalyq jaǵdaı saqtalady, dep habarlaıdy QazAqparat.

«Qazgıdromet» RMK baspasóz qyzmeti taratqan málimetke sensek, 7 qyrkúıek, beısenbi kúni elimizdegi qalalardyń basym kópshiliginde meteorologııalyq ahýal birqalypty bolady.

Tek Aqtóbe, Almaty, Astana, túnde Atyraý qalasynda aýa sapasy birshama nasharlaıdy.

Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.