Búgin tolǵan Aıdyń Jerge barynsha jaqyndaǵanyn kórýge bolady

MÁSKEÝ. TASS-QazAqparat – Búgin, 13 shildede adamdar tolǵan Aıdyń Jerge barynsha jaqyn ornalasý sátin baqylaı alady, dep habarlaıdy QazAqparat TASS agenttigine silteme jasap.

Máskeý planetarııiniń baspasóz qyzmeti habarlaǵandaı, 13 shildede Aı óz orbıtasynyń Jerge eń jaqyn núktesinde bolady. Planeta men spýtnık arasyndaǵy qashyqtyq – 357 263 km bolady, al 9,5 saǵattan keıin Aı tolady.

«13 shildede tolyq Aı kókjıekten saǵat 21-den keıin paıda bolady jáne tún ortasy shamasynda ońtústik kókjıekten eń joǵary bıiktike kóteriledi. Túni boıy Kún shyqqanǵa deıin Aı Mergen shoqjuldyzynda jarqyraıdy», - dep habarlady TASS agenttigine planetarıı.

Aspan ashyq bolsa, tolǵan Aımen birge eki planeta – Satýrn men ıÝpıterdi de kóre alasyz.