Búgin Tájikstan Dúnıejúzilik saýda uıymyna múshelikke ótedi
ASTANA. 10 jeltoqsan. QazAqparat - Búgin Tájikstan Dúnıejúzilik saýda uıymyna múshelikke ótedi, dep habarlady «Orys jańalyqtar qyzmeti».
Atalǵan eldi qabyldaý Uıymnyń Jenevadaǵy shtab-páterinde Tájikstan Prezıdenti Emomalı Rahmonnyń qatysýymen ótedi. Osylaısha Tájikstan DSU-nyń 158-shi múshesi bolmaq. Saýda uıymynyń qataryna enýi úshin resmı Dýshanbe 100-den astam normatıvtik qujatty qabyldaǵan bolatyn.
«DSU-ǵa múshe bolý - Reseı, QHR, Qyrǵyzstanǵa sııaqty Tájikstan úshinde oń faktor. Bizdiń kórshilerimiz ári strategııalyq áriptesterimiz qazirdiń ózinde osy uıymǵa múshe. DSU-ǵa múshe bolý - biz úshin strategııalyq qajettilik», - deıdi Tájikstan Prezıdenti janyndaǵy Strategııalyq zertteýler ortalyǵy dırektorynyń orynbasary Saıfýllo Safarov.
Esterińizge sala keteıik, Qazaqstan DSU-ǵa múshelikke ótý kelissózderin kelesi jyly tolyǵymen aıaqtaýdy josparlaýda.
