Búgin - Taý kúni
ASTANA. Jeltoqsannyń 11-i. QazAqparat - Búgin - Halyqaralyq Taý kúni. Bul ataýly kún BUU Bas Assambleıasynyń 57-shi sessııasynyń sheshimi boıynsha atap ótilip keledi.
Bas Assambleıanyń qararynda taýly aımaqtardyń turaqty damýyna baǵyttalǵan erekshe ózekti máseleler belgilengen. Bul ataýly kúnniń maqsaty - taýly aımaqtardyń turaqty damýyn nasıhattaý.
Jer sharynyń shamamen tórtten birin alyp jatqan taýlar adamdardyń 10 paıyzǵa jýyǵynyń baspanasy. Oǵan qosa, taýlar - ósimdikter men janýarlardyń sırek kezdesetin kóptegen túrleri úshin qoryq, jerdegi negizgi ózenderdiń qaınar kózi.
