Búgin Tashkentte qazaqstandyq úsh boksshy chempıondyq ataq úshin rıngke shyǵady

ASTANA. QazAqparat – Tashkent qalasynda bokstan ótip jatqan álem chempıonatynda búgin úsh qazaqstandyq sportshy fınalda óner kórsetedi, dep habarlaıdy QazAqparat tilshisi.

Astana ýaqytymen saǵat 18.00-de bastalatyn boks keshinde aldymen 2021 jylǵy álem chempıonatynyń kúmis júldegeri Mahmud Sabyrhan 54 kelige deıingi salmaqta ózbekstandyq Oıbek Djýraevpen judyryqtasady.

Tórtinshi jekpe-jekte ulttyq qurama kapıtany Aslanbek Shymbergenov (71 kg) taǵy bir ózbekstandyq Saıdjamshıd Djafarovpen rıngke shyǵady.

Bul kúni 80 kelige deıingi salmaqta ótetin báseke qyzyqty bolmaq. Onda Nurbek Oralbaı Qytaı atynan shyǵatyn qazaq jigiti Toqtarbek Tańathanmen qolǵap túıistiredi. Qaı jeńgeni chempıon atanady.

Eske sala keteıik, budan buryn Sanjar Táshkenbaıdyń Tashkentte bokstan álem chempıony atanǵanyn jazǵan edik.

Sondaı-aq, Dýlat Bekbaýov bokstan álem chempıonatynyń kúmis júldegeri boldy.

Sanjar Táshkenbaı budan da bıik shyńdardy baǵyndyratynyn aıtty.

Jánibek Álimhanuly kásipqoı boksta Stıven Batlerdi nokaýtpen utty.