Búgin Taraz qalasynyń tarıhı ataýy qaıtarylǵan kún
ASTANA. QazAqparat - Osydan jıyrma jyl buryn, 1997 jyly 8 qańtarda Qazaqstan Respýblıkasynyń Prezıdenti N.Nazarbaevtyń Jarlyǵymen Jambyl qalasynyń aty Taraz bolyp ózgertildi.
Uly Jibek Joly boıynda ornalasqan bul qala ár jyldary Áýlıe-Ata, Mırzoıan, Jambyl dep atalǵan. «Taraz» ataýy bizdiń dáýirimizge deıingi І ǵasyrdyń ortasyndaǵy Qytaı derekterinde saqtalǵan.
Búginde Taraz Jambyl oblysynyń ákimshilik ortalyǵy jáne fosfor óndirisimen tanymal. 2002 jyly Taraz óziniń 2000 jyldyǵyn atap ótti. Qalaǵa kelgen týrıster Aısha bıbi, Qarahan, Babadja hatýn, Tekturmas kesenelerin, Námetbaı meshitin jáne ortaǵasyrlyq monshany tamashalaı alady.
