Búgin Taraz qalasynda jylytý maýsymy aıaqtalady

ASTANA. QazAqparat – Búgin túnde Taraz qalasynda jylytý maýsymy aıaqtalady. Bul týraly QazAqparat tilshisi shahar ákimdiginiń saıtyna silteme jasap habarlaıdy.

«Jergilikti memlekettik basqarý jáne ózin-ózi basqarý týraly» QR 2001 jylǵy 23 qańtardaǵy Zańynyń 37-babyn basshylyqqa alyp, aýa raıy temperatýrasynyń birqalypty turaqtanýyna baılanysty Taraz qalasyn jylýmen qamtamasyz etýshi kásiporyndar 2023 jyldyń 12 sáýiri kúni saǵat 00:00-den bastap 2022-2023 jyldardaǵy jylytý maýsymyn aıaqtaıdy», - delingen ákimdik habarlamasynda.

Buǵan deıin habarlaǵanymyzdaı, Tarazdaǵy «Taraztransenergo» memlekettik kommýnaldyq kásipornyna tıesili jylý jelileriniń 69,2 paıyzy tozǵan. Onyń 53,9 paıyzy magıstarldyq bolsa, 71,1 paıyzy ishki kvartaldyq.