Búgin tańsáride «Baıqońyr» ǵarysh aılaǵynan «Proton-M» raketa tasymaldaǵyshymen áskerı maqsattaǵy ǵarysh apparaty ushyryldy
ASTANA. Qańtardyń 28-i. QazAqparat - Búgin, qańtardyń 28-i kúni Astana ýaqytymen 6 saǵat 18 mınýtta «Baıqońyr» ǵarysh aılaǵynan «Proton-M» raketa tasymaldaǵyshymen áskerı maqsattaǵy ǵarysh apparaty ushyryldy,
dep habarlady QR Tótenshe jaǵdaılar mınıstrligi.
Vedomstvo baspasóz qyzmetiniń málim etkenindeı, raketanyń ushyrylýy shtattyq kestege sáıkes ótti. Ushyrylýmen bolýy múmkin saldardy joıý úshin 4 saǵat 18 mınýttan 7.18-ge deıin QR TJM Qyzylorda, Qaraǵandy, Pavlodar jáne Shyǵys Qazaqstan oblystary boıynsha Tótenshe jaǵdaı departamentteriniń quramy men apatty-qutqarý kúshteri joǵary daıyndyq kezeńinde boldy.
