Búgin tańerten Shyǵys Qazaqstan oblysy men Astana qalasyndaǵy avtojoldarda qozǵalys shekteldi
ASTANA. Aqpannyń 11-i. QazAqparat - Búgin, aqpannyń 11-i kúni tańerteń aýa raıynyń qolaısyzdyǵyna baılanysty Shyǵys Qazaqstan oblysy men Astana qalasyndaǵy avtojoldarda qozǵalystarǵa shekteý qoıyldy,
dep habarlady QR TJM-nyń baspasóz qyzmeti.
Máselen, saǵat 07.00-de úskirik aıazdardyń bolýyna oraı Astana qalasynan barlyq baǵyttar boıynsha shyǵatyn avtojoldar jolaýshylar jáne dızeldi kólikter úshin jabyldy.
Sondaı-aq 10 saǵat 00 mınýtta qatty soqqan jel men qarly borannyń bolýyna baılanysty Shyǵys Qazaqstan oblysynda kóliktiń barlyq túri úshin respýblıkalyq mańyzdaǵy «Qaraǵandy-Aıagóz-Boǵaz» avtojolynyń 525-704 shaqyrym aralyǵyndaǵy bóligi jabyldy.
Sonymen bir mezgilde keshe, aqpannyń 10-y kúni jabylǵan Soltústik Qazaqstan men Qostanaı oblystaryndaǵy kúre joldar kóliktiń barlyq túrine qaıta ashyldy.
