Búgin tańerteń ınternetsiz qalǵan Kcell/Activ abonentterine bonýs beriledi

ASTANA. QazAqparat - Kcell/Activ baılanys operatorynyń servısteri tolyqtaı qalpyna keldi, dep habarlaıdy QazAqparat tilshisi.

«Saǵat 10:00 kezinde Kcell/Activ abonentteriniń uıaly baılanys qyzmeti tolyqtaı qalpyna keltirildi. Búgin tańerteń baılanys boıynsha problema Astana men basqa da birqatar qaladaǵy abonentterde baıqaldy», - delingen atalǵan kompanııanyń baspasóz qyzmeti taratqan málimette.

Bul turǵyda Kcell/Activ operatory tehnıkalyq problemaǵa qatysty ınternetsiz qalǵan abonetterge 10 GB bonýs beriletinin habarlady.

Budan buryn habarlanǵandaı, tańerteń Kcell kompanııasy elimizdiń keıbir óńirlerinde uıaly baılanys ınterneti boıynsha problema bar ekenin rastady.