Búgin - Syǵandardyń halyqaralyq kúni
ASTANA. Sáýirdiń 8-i. QazAqparat - Búgin - Syǵandardyń halyqaralyq kúni. 1971 jyldyń 8-shi sáýirinde birinshi Búkildúnıejúzilik syǵandar kongresi ótkizilgen. Osy kongreste Búkildúnıejúzilik syǵandar odaǵy qurylyp, ánurany men týy qabyldanady. Mine sodan beri jyl saıyn osy kúni - Syǵandardyń halyqaralyq kúni atalyp keledi.
Syǵan týraly alǵashqy estelikter 1501 jyly syǵan taborynyń kósemi Vasıldiń Lıtva knıazi Aleksandr Kazımırovıchten kúzet gramotasyn alǵan kezden bastaý alady eken. Búgingi tańda atalmysh mereke iri syǵan uıymdary bar 60-qa jýyq elde jyl saıyn atap ótiledi. Ádette, bul kúni romallylar soǵystarda jáne lagerlerde qaza bolǵan barlyq syǵandardy eske alady. Qaza tapqan syǵandarǵa arnalǵan birde-bir eskertkish joq bolǵandyqtan, olar bul kúni toǵandarynyń basyna jınalyp, soǵysta jandaryn pıda etken baýyrlaryn eske alady jáne sýǵa gúl shoqtaryn laqtyrady.
