Búgin soltústik aımaqtarda kún sýytady - Qazgıdromet
ASTANA. QazAqparat - Atmosferalyq aýa aǵymynyń ótýine baılanysty elimizdiń basym bóliginde kún kúrkirep, jańbyr jaýady, burshaq jaýýy múmkin. Tek batys óńirde kún ashyq bolady.
Aqmola, Jambyl, Qyzylorda, Qaraǵandy, Shyǵys Qazaqstan oblystarynda, kúndiz Almaty oblysynda jeldiń ekpini 15-20 m/s deıin jetedi. Pavlodar oblysynda 18 m/s jel soǵady. Qostanaı oblysynda túnde jáne tańerteń tuman túsip, kúndiz 15-20 m/s jel bolady, dep kútilýde. Al Soltústik Qazaqstan oblysynyń keı jerlerinde de jeldiń ekpini 15-20 m/s deıin jetip, túnde jáne tańerteń tuman bolady. Túnde Qostanaı, Soltústik Qazaqstan oblystarynda keı aımaqtarynda 0-3 gradýsqa deıin sýyq bolady. Kúndiz Atyraý oblysynda kún qatty ysıdy.
