Búgin «SK-Farmatsııa» JShS medıtsınalyq maqsattaǵy buıymdardy satyp alý erejesin túsindirý jóninde áleýetti jetkizýshilermen kezdesý ótkizdi

Tegin medıtsınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfektsııalyq) preparattardy, medıtsınalyq maqsattaǵy buıymdardy satyp alýdy boıynsha konkýrstyń ashyqtyǵyn qamtamasyz etý úshin «SK-Farmatsııa» JShS eki kezeńdik rásimderdi paıdalana otyryp tender ótkizedi.

Birinshi kezeńde tenderlik ótinimniń qoldanystaǵy zańnamanyń kórsetilgen talaptaryna sáıkestigi tekseriledi. Ekinshi kezeńde eń tómengi baǵa anyqtalady.

Ol úshin barlyq áleýetti jetkizýshiler usynǵan bastapqy baǵaly usynystar, onyń ishinde lot boıynsha eń tómengi baǵa usynystary jarııalanady jáne baǵaly usynysty tómendetý usynylady. Áleýetti jetkizýshiler 5 mınýt ishinde jańa tómen baǵaly usynystardy berýge quqyly. Osylaısha, Biryńǵaı dıstrıbıýtor tómendetýge arnalǵan baǵasy bar aýktsıon ustanymy boıynsha konkýrs ótkizedi.

Tegin medıtsınalyq kepildengen kólemi sheńberindegi dárilik zattardyń tizimin árbir ataý boıynsha shekti baǵasyn kórsetip, Densaýlyq saqtaý mınıstrligi bekitedi.

Sondaı-aq áleýetti jetkizýshilerge bir jáne sol lot boıynsha eki jáne odan da kóp otandyq óndirýshiler áleýetti jetkizýshiler retinde satyp alýǵa qatysqan jaǵdaıda, onda tapsyrys berýshi osy lot boıynsha otandyq óndirýshilerden ǵana túsken baǵaly usynystar qaraıtyny túsindirildi.

Biryńǵaı dıstrıbıýtor qoldanystaǵy zańnamaǵa, atap aıtqanda Úkimettiń 2009 jylǵy 30 qazandaǵy №1729 qaýlysyna sáıkes dárilik zattar men medıtsınalyq maqsattaǵy buıymdardyń áleýetti jetkizýshilerine qoıylatyn talaptardy usynady.

«SK-Farmatsııa» JShS 57 mlrd. teńgeden astam somaǵa 738 lotqa satyp alý týraly habarlandyrý jasady.