Búgin - Shylym shegýge qarsy halyqaralyq kúres kúni
ASTANA. 31 mamyr. QazAqparat - Búgin - Dúnıejúzilik temekisiz kún.
Dúnıejúzilik densaýlyq saqtaý uıymy 1988 jyly 31 mamyrdy Dúnıejúzilik temekisiz kún dep jarııalady. Álemdik qaýymdastyq aldyna - HHІ ǵasyrda temeki tartý máselesin joıýǵa qol jetkizý mindeti qoıyldy.
Statıstıkaǵa súıensek, shylym shegetin adamdardyń teń jartysy osy jaǵymsyz ádetten kóz jumady. Dúnıejúzilik densaýlyq saqtaý uıymynyń baǵalaýynsha, 2030 jylǵa qaraı temeki jyl saıyn 8 mıllıon adamnyń ólimine sebepshi bolady. Onymen qosa, qaıǵyly bes oqıǵanyń tórteýi tómen jáne ortasha tabysty elderge tıesili bolmaq.
Temeki qaterli isik, júrek-qantamyr aýrýlary, qant dıabeti jáne tynys alý joldarynyń sozylmaly aýrýlary syndy ınfektsııalyq emes syrqattardyń paıda bolýynyń negizgi faktory bolyp tabylady. Ólim jaǵdaılarynyń 63 paıyzy ınfektsııalyq emes syrqattardan bolady.
Onymen qosa, jyl saıyn shylym shekpeıtin, biraq onyń tútinimen demalýǵa májbúr 600 myń adam kóz jumady. Balalardyń barlyq sanynyń teń jartysy temeki tútinimen lastanǵan aýamen turaqty túrde tynys alady jáne 40 paıyz balanyń ata-anasynyń bireýi bul ádetke áýes. 2004 jyly balalar óliminiń úshten bir bóligi derlik temeki tútinimen tynys alý saldarynan boldy.
