Búgin «Shenchjoý-14» qytaılyq ǵarysh kemesiniń ekıpajy Jerge oralady

BEIJІŃ. QazAqparat – «Shenchjoý-14» ǵarysh kemesi jeksenbide Qytaıdyń soltústigindegi Іshki Mońǵolııa avtonomııalyq aımaǵynda (ІMAA) dalaǵa qonady. Bul týraly basqarylatyn ǵaryshqa ushý baǵdarlamasynyń QHR basqarmasy málim etti, dep habarlaıdy QazAqparat menshikti tilshisi.

Basqarmanyń habarlaýynsha, barlyq josparlanǵan mıssııalardy aıaqtaǵan qytaılyq ǵaryshkerler, «Shenchjoý-14» ǵarysh kemesiniń ekıpaj músheleri 4 jeltoqsanda Jerge oralady. Ekıpaj ІMAA aýmaǵyndaǵy «Dýnfen» qoný alańyna qonady.

3 jeltoqsanda Qytaıdyń orbıtalyq stantsııasynda qytaılyq ǵaryshkerler alǵash ret basqarylatyn «Shenchjoý» kemelerin aınaldyrdy. Ekıpajdar ǵarysh stantsııasynyń kiltterin berýdiń sımvoldyq rásimin ótkizdi.

Qytaı ortalyq telearnasynyń (CCTV) habarlaýynsha, «Shenchjoý-16» ǵarysh kemesi Qytaıdyń orbıtalyq stantsııasynda apattyq-qutqarý jumystaryn júrgizýge daıyndalǵan.

«Shenchjoý-16» ǵarysh kemesin qurastyrý jáne synaqtan ótkizý jumystary aıaqtaldy jáne apattyq-qutqarý jumystary kútilýde, dep habarlady CCTV.

Buǵan deıin málim bolǵandaı, 30 qarashada bortynda úsh ǵaryshkeri bar «Shenchjoý-15» ǵarysh kemesi orbıtalyq stantsııamen túıisken.

QHR-dyń orbıtalyq stantsııasy shamamen 400 km bıiktikte ornalasqan jáne 10 jyldan astam ýaqyt jumys isteýge arnalǵan.

Foto: pbs.twimg.com