Búgin sharshy alańǵa shyǵatyn boksshylarymyzdyń qarsylastary kimder
ASTANA. QazAqparat - Germanııanyń Gambýrg qalasynda ótip jatqan Bokstan álem chempıonatynyń jartylaı fınalynda búgin sharshy alańǵa shyǵatyn qazaqstandyq boksshylardyń qarsylastary belgili boldy, dep habarlaıdy QazAqparat.
Búgin, ıaǵnı 31 tamyz kúni judyryqtasatyn otandastarymyzdyń qarsylastary tolyǵymen belgili. Aıtalyq, búgin jerlesterimizden (Astana ýaqyty boıynsha saǵat 22:00, alǵashqy sessııa) 49 keli salmaqta Jomart Erjan birinshi bolyp sharshy alańǵa shyǵady. Onyń qarsylasy kýbalyq Joanıs Argılagos bolmaq. Al 56 keli salmaqta Qaırat Eralıev ulybrıtanııalyq Pıter Makgreılmen judyryqtassa, 75 keli salmaqtaǵy boksshymyz Ábilhan Amanqul ázerbaıjan boksshysy Kamran Shahsývarlymen qolǵap túıistiredi. Sonymen qatar 91 keli salmaqta el namysyn qorǵaıtyn Vasılıı Levıt kýbalyq Erıslandı Savonmen jekpe-jekke shyǵatyn bolady.
Al ekinshi sessııa 1 qyrkúıek kúni (Astana ýaqyty boıynsha saǵat 22:00-de) ótedi. Bul kúni 69 keli salmaqta Abylaıhan Júsipov ózbekstandyq bylǵaryqolǵap sheberi Shahram Gııasovpen judyryqtassa, +91 keli salmaqta Qamshybek Qońqabaev kamerýndyq Arsen Fokýmen qolǵap túıistiredi.
Foto: Danııar Maılybaev
